Rime à dirrimera Pasquale Ottavi L'autore Pasquale OTTAVI hè natu in u 1956 in Aiacciu. Stitutore,
po prufessore di corsu. Insegna avà à l'I.U.F.M. di Corsica,
hà scrittu puesie in e riviste Rigiru, À pian
d'Avretu è Bonanova ; è scritti di prosa in Rigiru
è À Pian d'Avretu. Prifaziu Hè u soffiu d'una vita chì si piatta quì in cor' di isse pagine. Forse u fiatu d'una generazione quella di u settanta ? Serà. O quella di u vintesimu, o di u duie mila, qual'hè chì sà ? Chì Pasquale OTTAVI l'hà francate tutte ! Da Rigiru à Bonanova, passendu per A Pian d'Avretu, ci offre oghje una pruduzzione à le volte publicata digià, à le volte scunnisciuta, nata da una scrittura ammanita dapoi un pezzu. Eppuru, hè una creazione chì palesa una sumiglia, quella d'une pochi d'omi in cerca d'un sensu à dà à l'oghje corsu. Quessa hè bella chè certa. Una parolla chì sbucina u filu di l'esse, à fior'di i tema eterni di l'interrugà pueticu : a vita fughjiticcia ma ardente, i lochi di u campà, u tempu strosu, l'affanni di l'amore, i guai d'una sucetà incuscente Tandu l'inchjostru neru di Pasquale OTTAVI c'insegna l'ombra pagna di e realità umane scalpillinata à nantu à a carta bianca. L'autore ghjoca cù e parolle, a lingua, i soni è i sensi Dumenica VERDONI
Ella Corre l'amore in le so vene Arde l'amore in li so ochji Trema l'amore in la so pelle Campa l'amore in la
so crela Qual'fù lu
Diu affascinatu
Staghjone Amandulu fiuritu Castagnu attramulatu Uva accaspata Valdu infiurinatu |