14/06/2005

 

UN SITU NANT'À PASQUALE PAOLI

Stu situ cunsacratu à Pasquale Paoli (antonbattesti.free.fr) ramenta chì u Babbu di a Patria, persunagiu storicu assai cunnisciutu ancu luntanu da a so isula, hà a so casata liata à una custituzione chì deve esse ramentata. Dunque, toccu l'annu 1755, Paoli scrivia una Custituzione pruclamendu a suvranità di u populu, fendu una separazione trà u pudere legislativu è esecutivu.

Sti prugessi fubbenu ludati da spiriti famosi di l'epuca, per esempiu Jean-Jacques Rousseau o a regina Catherine II. Cusì, a prima petra di e demucrazie muderne fubbe posta in Corsica. D'altronde, truverete a custituzione sana in u situ eppo citazioni di u capu generale di a nazione, munete cuniate cù u reame di Corsica, u sugellu di u guvernu di l'isula o u testu di a lastra cunsacrata à Pasquale Paoli à l'abbazia di Westminster in Londres.

Riferenza in l'archivie ADECEC: A – CH 11.06.05 CAS

 

 

Rivene à a pagina d'infurmazioni