|
|
||
| ||
|
27/12/2005
A MITOLUGIA GRECA IN LINGUA CORSA  Ulisse, a guerra di Troia, i Lestrigoni, ecc… i giganti di a mitolugia greco latina sò stati tradutti in lingua corsa. U libru "Mitulugia" chì tratta di e grandi legende di l'antichità greca, hè statu traduttu da Guidu Benigni è illustratu da Toni Casalonga. U libru hè statu pruduttu da l'edizioni Albiana è u Centru Culturale Universitariu. Ghjacumu Thiers dice: "Stu libru cuncoglie i raconti i più cunnisciuti di a mitolugia greca cum'è Ulisse, a guerra di Troia, Œdipe è Orphea, chì sò puntelli d'ogni furmazioni intellettuale. Ci vole à salutà u travagliu di Guidu Benigni, un travagliu di precisione per chì a lingua corsa sia accessibile à tutti. In quant'à l'illustrazioni di Toni Casalonga sò una maraviglia". "Mitulugia" hè in vendita in e librerie à u prezzu di 19 scudi, un'idea di rigalu pè u Capu d'Annu. Riferenza in l'archivie ADECEC: A C-M 26.12.05 E R
|