13/01/2006

 

LA CORSE « FRANÇAISE ET RÉPUBLICAINE »

Stu libracciolu di Francescu Maria Perfettini hè cum'è u peveru : chjuculellu ma si face sente. Sintetizeghja tuttu ciò chì si pò risponde à quelli chì disprezzanu a Corsica è sbugiardeghja unepochi di sprupositi intesi : « A Corsica hè povera », « I Corsi sò viulenti », « L'isulanità hè un svantaghju »… A demustrazione di l'autore parte da « La Corse libre », libru editatu in Belgica in u 1856 è firmatu da Ghjuvan Francescu Mignucci, induv'ellu mostra chì l'isula ùn hè un paese poveru ma impuveritu da a pulitica ch'omu ci appieca. 115 anni dopu, u raportu di l'Hudson Institute face a listessa cunclusione.

Fundendu a so riflessione nant'à sti dui testi è puntellendula cù numerose altre riferenze, Francescu Maria Perfettini mostra e cause vere di e difficultà attuali di a Corsica ma senza prupone suluzione perchè brama chì « i Corsi sceglinu da per elli cunniscendu u veru ». Dunque, un argumentariu semplice di difesa di a Corsica è di i so interessi.

Urigine : A Nazione n°1, ghjennaghju 2006

Riferenza in l'archivie ADECEC: A – A NA 01 2006 TAL

 

 

Rivene à a pagina d'infurmazioni