03/03/2006

 

POLITIQUE ET SOCIÉTÉ EN CORSE AU XIXE SIÈCLE, INSTANTS D'UNE HISTOIRE BROUILLÉE

Da a so tesa primurosa nant'à a storia culturale di a Corsica di u XIXu seculu, Geniu Gherardi hà digià strattu un bellu libru publicatu ind'è Albiana, in u 2004, « Esprit corse et romantisme ». Eppuru, u sugettu ùn era ancu compiu, prova si n'hè u so ultimu libru : « Politique et société en Corse au XIXème siècle, Instants d'une histoire brouillée ».

U studiu hè presentatu in duie parti : a prima esamineghja e primizie storiche è a crunulugia generale di l'evenimenti. A seconda tratta a quistione di u Bonapartismu è di l'antibonapartismu in i so sviluppi pulitichi è suciali. Numerosi documenti sò pruposti è l'autore amenta ogni aspettu maiò di a storia di l'isula : brame inglesi nant'à a Corsica, rolu è influenza di i currenti pulitichi liberali, rivuluzioni successive, a burghesia di u 1830, di u 1848, a Cumuna è a disfatta di Sedan, e rilazioni cù l'Italia…

D'altrò, a lettura abituale di l'evenimenti storichi di u XIXu seculu hè troppu spessu influenzata da preghjudicati numerosi o da una visione troppu rumantica è infurmata male, stu libru face dunque cunnosce l'esagerazioni, i sbagli, l'inghjustizie… Dunque, sta cronica documentata è precisa permette di facci una riflessione pulitica è culturale d'attualità in sti tempi d'imprecisione è di penseru nant'à l'avvene di e nazioni è di i populi d'Europa.

Riferenza in l'archivie ADECEC: A – POL 02.03.06 FUS

 

 

Rivene à a pagina d'infurmazioni