20/04/2006

 

REGINA DI CORSICA AU HASARD DES CHEMINS

Stu novu libru di u ritrattadore Jean-Pierre Amet, à l'edizioni Belombra, hè un veru pelegrinaghju in core di a Corsica induve si scopre a devuzione à Maria. L'autore hà racoltu fiure cum'è s'ellu fussi un mazzulu di fiori da induve si sentenu muschi chì traversanu l'anima è u spiritu.

In u 1735, i Corsi si piazzonu sottu à a prutezzione di a Madonna è fecenu u so innu di u « Dio vi salve Regina ». Una venerazione avendu favurizatu, in particulare, l'affaccata di numerosi uratorii dedicati à ella. Cusì, in u filu di i riporti chì li facianu percorre l'isula, Jean-Pierre Amet hà scupertu tutti sti lochi, specie di stucci (écrins) naturali induve a Regina di Corsica si spone. Adduniti in u libru, i ritratti sò dinù un'altra manera di percepì l'anima di l'isula è di i so abitanti.

Riferenza in l'archivie ADECEC: A – IC 14.04.06 AND

 

 

Rivene à a pagina d'infurmazioni