|
|
||
| ||
|
05/05/2006
DICTIONNAIRE HISTORIQUE DE LA CORSE  L'ambizione di stu dizziunariu hè di porghje à tutt'ognunu un arnese tucchendu i periudi maiò di a storia di a nostra isula – da a più alta Antichità sin'à u XXu seculu cù un livellu scientificu perfettu è una lettura faciule. Sott'à a direzzione d'Antoine-Laurent Serpentini, 139 persunalità anu resu contu, rispettendu e custrizzioni edituriali fissate, di a vita, di l'opere, di i lochi è evenimenti chì anu puntuatu a storia isulana. A maiò parte di e scienze umane sò riprisentate : archeolugia, storia antica è Midievu, Storia muderna è cuntempuranea, econumia, dirittu, sociolinguistica, scienze di l'educazione, litteratura... Eppo, specialisti di u travagliu d'archivie (cunservadori, documentalisti...), giurnalisti, insignanti si sò aghjunti à stu prugettu. Dictionnaire historique de la Corse, Albiana 2006, 1032 pagine, 70 €. Riferenza in l'archivie ADECEC: A – ALB 26.04.06
|