|
|
||
| ||
|
27/12/2007
CORSICANA, U NOVU DISCHETTU D'ANGE LANZALAVI TRIO
Simu invitati da Ange Lanzalavi Trio à stà à sente una discursata curtese, eleghente ma dinù naturale, una dentella di seta nant’à un tessutu di villutu ricamatu da Ange Lanzalavi chì sona a mandulina, Jérôme Ciosi a chitarra è Bruno Tafani l’urganettu. Ange hà cumpostu nove pezze di stu ripertoriu è trè sò adattazioni di l’opere di Bizet, Tarrega è Brahms. U gruppu passa da « Etern’amore » è i so ritmi d’America Suttana à a canzona « De Calvi à Varsovie » sunata cù a balalaïka, un viulinu russiu. Cuntinuemu cù a puesia d’un celu stellatu « Dans les rues d’Occi » à u ballu indiavulatu di « Mare è sole », da l’affascinamentu di un dialogu innamuratu in « Lumio sirinatu » à a meludia alegra di « Murinu », eppo da a cetera di « Le luthier de Pigna » à a tennerezza chì si sente in « Lisandrinu » è sin’à l’altra meludia di « Corsicana » induve a seta è a dentella diventanu un frisgiu dolce. Stu dischettu hè statu arrigistratu ind’è Casa éditions in Pigna.
Riferenza in l'archivii ADECEC: A – Corsicana 08.09.07 CAS
|
