|
|
||
| ||
|
29/12/2007
RINASCITA DI A CUNFRATERNA SANTU LISANDRU
Ritrattu : Ghjacumu PAOLI In Cervioni, ci hè statu u miraculu di Natale cù a rinascita assai bramata di a cunfraterna Santu Lisandru chì era animata da u ben di Fanfan Terriaga. Charles Contri hè u novu priore è Pascal Bellagamba u sottu-priore. U scopu di a cunfraterna hè d’amparà u cantu sacru à e giovane generazioni è di participà à ogni scontru religiosu, à e prucessiò di a parochja di Cervioni, è ancu di i circondi. A so tenuta serà nera cù a cappa rossa. L’amparera di u cantu si face ogni venneri sera in a chjesa di Santa Maria Poghju, à parte da 6 ore è mezu. Cum’è numerose altre cunfraterne, quella di Santu Lisandru vole mantene e tradizioni, i riti è canti anziani eppo aiutà, esse sulidaria, sparte è stà à sente. Riferenza in l'archivii ADECEC: A – CM 28.12.07 J.P.
|
