|
|
||
| ||
|
03/01/2008
NOTTE IN MUSICA
Notte in musica 2005, ghjè un sguardu sfarente nant’à a musica, u patrimoniu è a lingua corsa. Durante l'estate 2000, musicanti si ragruppanu pè prupone una visione sfarente, più cuntempuranea. Da sta reunione, nascerà u gruppu Notte chì mischja i stili è i soni (u folk, a lounge, l'alternativu, a world music, i sapè fà di u cantu è di a pratica strumentale isulani). Notte in musica 2005 vole prumove è salvà a lingua corsa, aiutà à a creazione è à l’animazione culturale in u rurale. A so prima rializazione hè d’avè cuncepitu è pruduttu u dischettu « Aldilà », esciutu di lugliu 2007. Aldilà hè l'affirmazione d'una « dimarchja culturale cuntempuranea d'apertura nant’à u puntellu di l'identità è di u patrimoniu isulanu è latinu ». Un missaghju fattu pè tuccà u publicu ancu in i lochi induve ùn s’aspetta micca à cantà u Corsu d’un altra manera. Infine, a prossima tappa hè d’ottene una licenza in una grande impresa di l'industria di u discu à prò d’Aldilà chì vole difende altrimente u patrimoniu culturale. Corsica, ghjennaghju 2008 Riferenza in l'archivii ADECEC: A – CORSICA 02.01.08 SAN
|
