|
|
||
| ||
|
05/01/2008
PINOCCHIO È UNA FESTA
U spettaculu « Pinocchio è una festa ! » serà l’evenimentu à u Teatru di Calvi, anzianu magazinu Weldom, dumenica u 13 è sabbatu u 19 di ghjennaghju à 4 ore. Una nova aventura teatrale di Orlando Forioso, secondu u rumanzu epunimu di Carlo Collodi è a filastrocca di Gianni Rodari. Ghjè una pruduzzione di TeatrEuropa di Corsica, Teatro Stabile di Sardegna è Medias Etas-Napoli in a stagione teatrale di i Tréteaux de France. U spettaculu serà dettu in francese, corsu è talianu cù intervenzioni in e lingue regiunali taliane chì distinguenu certi persunagi. À sente à Orlando Forioso, « ghjè una grande festa pè i zitelli, apposta per elli ma chì intusiasmeghja dinù i maiò chì ùn anu persu i so sogni zitellini ». Una pezza creata cù u sustegnu di a CTC, di u cunsigliu generale di Cismonte, di u teatru di Bastia è di U Svegliu Calvese. Rinsignamenti è riservazioni : 04 95 65 23 57, telecopia : 04 95 65 41 54. Riferenza in l'archivii ADECEC: A – CM 04.01.08
|
