U situ http://perso.club-internet.fr/oursjeancaporossi/index.html presenta infurmazioni storiche, da a preistoria à l'annu 2000. À principiu, Orsu Ghjuvanni Caporossi descrive u so situ. Dopu vene a cronica cù un ripertoriu di tutti i persunagi, storichi o nò è di persunalità più recenti. Ognunu hè descrittu secondu u so rolu in l'attualità isulana. Sò parechji è presentati in l'ordine di u santacroce, certi sò cunnisciuti, altri menu, ma ognunu hà a so vita descritta in qualchì filare.

Cuntinuemu cù rubriche originali, quella di l'arme di e famiglie isulane famose, a rubrica « Les Poilus de 1914-1918 », aghjustata d’uttobre 2007, tucchendu i Corsi morti pè a Francia, ghjè una rubrica in traccia di cumpletassi cù un ripertoriu è un studiu statisticu nant’à a cumpusizione sociologica di sti suldati. In più, numerosi aghjunti, una bibliugrafia è una presentazione di l’autore.