|
|
||
| ||
|
14/01/2008
LES ARMES À FEU CORSES
Nant’à e vistiche di u so libru cunsacratu à i stiletti corsi, Jean-Louis Leccia s’arrisicheghja ancu di più in a machja di l’arti è tradizioni pupulari di a Corsica. In stu libru, l’arme regulamentari di i vultighjadori si trovanu accant’à quelle di i banditi, di i capipartiti è di e donne di tempi fà. Fora di i studii tecnichi precisi è documentati, ci hè dinù una bella piazza nant’à u rolu di l’arme in a vita suciale, famigliale è religiosa, e so virtù chì serebbenu magiche è i riti liati à l’arme. Si parla dinù di i fatti maestri di l’eroi di Cyrnos è e so lotte epiche. Eppo, avemu ritatti magnifichi. L’arme presentate amentanu cun putenza u passatu di sta vechja terra corsa, insurpata di nubiltà è di libertà. Ritruverete dunque a cispra, u primu fucile corsu cù a scaglia (silex), a pistola o u mazzagattu, una pistuluccia chì si mettia in stacca. Riferenza in l'archivii ADECEC: A- CH 11.01.08 BAS
|
