15/01/2008

 

RIEDIZIONE DI « LA SÉMILLANTE »

Hè statu rieditatu u libru « La Sémillante » di Jean-Lucien Rachelli è u truvemu oramai cù nove testimunianze è iconografie chì permettenu di cunnosce a storia di u so affondu u 15 di ferraghju di u 1855, nant’à l’isulottu di i Lavezzi. Ci eranu 702 morti, a più grande catastroffa marittima accaduta in Mediterraniu. In una prima parte, l’autore face rinvivì e circustanze di sta tragedia è dopu cunduce una vera inchiesta nant’à l’epupea di stu battellu. A riedizione s’hè pussuta fà grazia à u sustegnu di l’uffiziu naziunale di l’anziani cumbattanti è vittime di guerra, di u cunsigliu generale di Pumonte, di a CTC è di l’associ « Gueules cassées » è « Mutilé des yeux de guerre ».

Riferenza in l'archivii ADECEC: A – CM 14.01.08

 

 

Rivene à a pagina d'infurmazioni