|
|
||
| ||
|
16/01/2008
E MUTAZIONI TERRITURIALI PRESTU INFURMATIZATE
ARRITTI L’unità di ricerca LISA (lochi, identità, spazii è attività), liata à u CNRS è stallata à l’università di Corsica, face un travagliu nant’à una basa di dati pè ragruppà e caratteristiche di l’occupazione di e terre corse è a so evuluzione in u tempu. Cusì, si cunnoscerà l’urganizazione di u nostru territoriu pè sapè l’attività umane, i cambiamenti cuncernendu e custruzzione, e terre agricule, l’assi di trasportu, o e trasfurmazioni di a vegetazione. St’infurmazioni seranu presentate nant’à carte infurmatiche di l’isula. Queste seranu dinù un arnese pè aiutà a gestione fundiaria, l’accunciamentu di u territoriu è di u sviluppu agriculu. U studiu di sti dati, fattu cù un sistemu d’infurmazione geografica (SIG), permetterebbe di mette nant’à una carta parechji criterii d’occupazione di e terre chì valenu omancu pè i trè ultimi seculi. I primi risultati di u prugettu toccanu l’evuluzione di e custruzzioni è di l’occupazione vegetale da u 1985 à u 2000. Ci vuleranu torna dui anni omancu pè compie l’opera. Riferenza in l'archivii ADECEC: A – CM 15.01.08 FIL
|
