|
|
||
| ||
|
17/01/2008
DITE A VOSTRA
L’emissione « Dite a vostra », animata da Ghjuvan’Carlu Marsily, hè nata di settembre 2005 nant’à RCFM, è hè diventata un veru successu pupulare. Si pò sentela u dopu meziornu, da 2 ore à 3 ore. À principiu, l’idea era un spaziu di spressione pè quelli chì volenu parlà in lingua corsa nant’à u sugettu ch’elli avianu sceltu. Finalmente, a primura cumuna chì s’hè fatta vede, ghjera a lingua cù u scambiu rispettosu senza pulemica. Eppo, e categurie suciali si ritrovanu : u ritiratu parla d’una parolla o d’un pruverbiu appena sminticati, u puetu dice unu di i so testi, u linguistu ellu face valè a pulinumia, dunque a diversità di u corsu. Tuttu què in un’ambienza di piacè pè amparà, trasmette a lingua ch’omu tene caru. Riferenza in l'archivii ADECEC: A – CH 11.01.08 KRU
|
