|
|
||
| ||
|
18/01/2008
A NUCIOLA DI CERVIONI GHJOVA À AMPARÀ U CORSU
U 16 di ghjennaghju di u 2007, i zitellucci di u centru di divertimenti di Petralba in Aiacciu si sò sprimati in lingua corsa è u puntellu pedagogicu hè statu a nuciola di Cervioni. Stu prugettu educativu hè di Paul-Vincent Mucchielli. In Petralba, una struttura bislingua, u zitellucciu s’avvezza à percepì è identificà sunurità sfarenti, dunque ùn tricà micca à amparà a lingua corsa, à un mumentu di a vita induve l’amparera si face u megliu. Tandu, stu 16 di ghjennaghju, i sculari anu scontru à Charles Sforzini, pè un attellu di tastatura di biscotti, cicculate, amandulate, amaretti fatti cù a nuciola di Cervioni. Ci vole à sapè chì a nuciola hà sette vitamine è 8 oligo-elementi. Riferenza in l'archivii ADECEC: A – AJA-CM 17.01.08 LCC
|
