25/01/2008

 

IMMERSIONE IN LINGUA CORSA À U LICEU FESCH

Parechji stazii d'immersione in lingua corsa sò urganizati da u GRETA di Pumonte è finanzati da a CTC, quellu chì s'iscrive amparerà à parlà corsu in a vita oghjinca, pè esse capace di sprime ciò ch’ellu pensa. I stazii si facenu à u liceu Fesch, in Aiacciu, una fine di settimana à u mese durante 10 ore è principieranu i 16 è 17 di ferraghju à 9 ore è mezu di mane.

I rispunsevuli dicenu « ch’elli facenu parte di u pianu regiunale di u sviluppu di a furmazione di l’assemblea di Corsica è toccanu l’orientazione trasversale pè a prumuzione di l’amparera di a lingua è a cultura corsa ».

À principiu di i scontri trà furmatori è stazianti, e cumpetenze di l’elevi seranu valutate pè adattà a pedagugia à i bisogni. Rinsignamenti è scrizzioni à u liceu Fesch : 04 95 51 60 83 o à u GRETA : 04 95 29 68 52.

Riferenza in l'archivii ADECEC: A – CM 24.01.08 L.M.

 

 

Rivene à a pagina d'infurmazioni