|
|
||
| ||
|
27/01/2008
SARTÈ, CITÀ D'ARTE È DI STORIA
U 10 di ghjennaghju di u 2007, una delegazione sartinese era ghjunta à u ministeru di a Cultura in Parigi, è a ministra Christine Albanel hà datu u labellu di Cità d’arte è di storia à Sartè è à 7 nove cità. Ghjè a seconda cità di Corsica dopu à Bastia chì l’hà ottenutu cù, in tuttu, 124 altre cità è regione. Oramai, Sartè face parte di e cità è regioni chì trasmettenu a cunniscenza è u sapè fà. Hè a seconda cumuna di Francia a più stesa è si tene un patrimoniu archeologicu, custruitu è immateriale uriginale. A vuluntà pulitica hè di fà un sviluppu turisticu di u so territoriu à parte da un prugettu culturale di qualità. U sustegnu di a Cullettività Territuriale di Corsica serà primurosu per a messa in opera di a cunvenzione cù u Statu. E « Villes et Pays d'art et d'histoire », impieganu un persunale capace, urganizeghjanu azzioni di sensibilizazione è creanu attelli pedagogichi. In Sartè, un centru d'interpretazione di l'architettura è di u patrimoniu hè messu in piazza. Presenta l'evuluzione di a cità è accoglie dibattiti è cunferenze nant’à l'attualità di l'architettura, di l'urbanismu, di u patrimoniu è di u paisaghju. Riferenza in l'archivii ADECEC: A – CM 17.01.08
|
