|
|
||
| ||
|
01/02/2008
FEDERZONI ESCE NOVE AVENTURE DI PETRU SANTU
Dopu à « Chjama è rispondi », esciutu in u 2005, à l’edizioni Alain Piazzola, Petru Santu cuntinueghja a so lotta senza paura contr’à a mundializazione in u novu libru illustratu « Tant qu'il y aura du brocciu » editatu da L20 PROD. U persunaghju Petru Santu hè pè u so creatore, Fred Federzoni, a scusa pè cumentà l'attualità isulana in corsu o in francese, secondu l’estru è e circustanze. A risa nasce da u cunfrontu trà u vechju Petru Santu è a sucietà di cunsumazione attuale. In più, hà un niputinu chì parla u verlan. Eppuru, Petru Santu ùn si lascia micca intimurì. Daretu à u so bichjeru di pastizzu, cura è aspetta di cappià a so cacciata. Ancu s’ellu hè in bisbigliu cù u mondu mudernu, hà u so situ internet www.petru-santu.com Riferenza in l'archivii ADECEC: A – CORSICA 26.01.08 EM
|
