|
|
||
| ||
|
09/02/2008
PREMIU DI A CTC 2007
A ghjuria di u Premiu di a Cullettività Territuriale di Corsica, presidata da Marie-Jean Vinciguerra, s’hè addunita mercuri u 6 di ferraghju di u 2008 pè sceglie, frà i libri preselezziunati, quelli chì riceveranu u Premiu Dunque, sò stati premiati « Ghjuventù, ghjuventù », un rumanzu in lingua corsa di u giovanu autore Marceddu Jureczek, publicatu à l’Edizioni Matina Latina. In stu libru, ogni tantu foscu (sombre), ma dinù mudernu, s’affacca una nova generazione d’autori. Eppo, in lingua francese, « Musiques de Corse », d’Antoine Massoni à l’edizioni Alain Piazzola, un libru di prima trinca chì face scopre a piazza di a musica in a sucietà corsa, ghjè l’opera d’una vita sana è un premiu datu à un omu passiunatu è sapiente ma chì si n’hè andatu. Infine, a ghjuria mintueghja a biugrafia « François Coty », un industriale corsu in tempu di a terza republica di Ghislaine Sicard-Picchiotino, à l’edizioni Albiana. Riferenza in l'archivii ADECEC: A- CTC 06.02.08
|
