|
|
||
| ||
|
11/02/2008
A PASSIONE DI U CANTU
« A passione di u cantu » hè u nuvesimu dischettu di Voce emuzione (Les voix de l’émotion) pruduttu da Ricordu chì rinnuveghja canzone famose di u ripertoriu isulanu. À principiu, in u gruppu, ci eranu parechji cantadori è musicanti di Canta u populu corsu (Jean-Dominique Leca, Charles è Philippe Rutili, Eric è Laurent Perez) eppo altre voci isulane anu cantatu à sta seria di dischetti. Cusì, Mathieu Casanova, Benoît Rusterucci, Jean-Pierre Solinas o Anthony Geronimi anu participatu à « A passione di u cantu ». Nentru, truvemu U mio cantu di i Chjami Aghjalesi, L’anniversariu di Minetta, Ritrattu, Rivolta paisana di Voci di a Gravona, Lotta si chjama vita, o Per u troppu. Avemu dinù e canzone di l’Arcusgi (Amicu pastore è Per a libertà). Dunque, Voce emuzione mostra chì e più famose canzone corse ùn sò micca invechjate. Riferenza in l'archivii ADECEC: A – CH 08.02.08 PAD
|
