|
|
||
| ||
|
13/02/2008
CONTA A GHJENTI U SO RUGHJONU
© Stromboni Hervé 2007 In u paese di Livia, l’associu di a bibliuteca « Livia Via », in cullaburazione cù Michèle Joyeux-Rocca Serra, hà messu a memoria di l’Alta Rocca in u libru « Conta a ghjenti u so rughjonu » (Mémoire de l’Alta Rocca). Michèle Joyeux-Rocca Serra hà sullicitatu parenti, amichi è altre persone. À chì cuntava ciò ch’ellu hà campatu quand’ellu era giovanu, à chì cuntava un stalvatoghju, certi davanu un puemu o un scrittu... Cusì, trasmettianu una memoria. Dunque, ci truverete raconti, ritratti, disegni di Claudine Joyeux-Rocca Serra. Amparerete u lamentu di banditu Ghjan Cameddu, scuprerete i serenati cantati à e giuvanotte, è parechje infurmazioni nant’à e vacanze in paese, a scola, u caffè, i rimedii, e fiere, a muntagnera o l’impiaghjera eppo qualchì ritrattu di paisani uriginali. L’associu « Livia Via » urganizeghja sabbatu u 16 di ferraghju di u 2008, à parte da 3 ore, un scontru cù Marie-Josée Cesarini-Dasso, autore di « L’univers criminel féminin », premiu di l’accademia di Corsica 1996, « Brigida medecin corse au XVIIIème siècle », premiu di Corsica 2003 è u so ultimu rumanzu « Les sexygénaires ». Si parlerà di l’evuluzione di a donna corsa da u XVIIu seculu à oghje in l’opera di sta scrittrice. Riferenza in l'archivii ADECEC: A – CM 10.02.08 A-L.P
|
