|
|
||
| ||
|
16/02/2008
STANTARI N°12
A rivista Stantari ci prupone un numeru speciale cunsacratu à u patrimoniu culturale isulanu, questu hè sottu à a rispunsabilità di a Cullettività Territuriale di Corsica dapoi u 2002. Cusì, in sta rivista, 17 intervenenti ne anu fattu un inventariu. Da a descrizzione di e cappelle cun affreschi à i tesori di u patrimoniu capicursinu, da a custruzzione, da u 1769 à u 1860, di a citadella di Corti à e ricchezze di l’archeolugia. Truvemu dinù i scavi preventivi di u spaziu Alban in Aiacciu, u situ funerariu di a Grotta Piatta è l’ultime infurmazioni nant’à e sepulture corse di l’Età di u Ferru. Infine, Philippe Pergola, direttore di ricerca à u CNRS, face un bilanciu di 10 anni di ricerche ingiru à Mariana è a valle di u Golu. Riferenza in l'archivii ADECEC: A – CH 15.02.08
|
