|
|
||
| ||
|
18/02/2008
U GRANU ANTICU
Ritrattu : Ghjacumu PAOLI In Aleria, l’associu U Granu Anticu, presidatu da Edwige Koziello, vole chì a farina sia fatta cù varietà di granu nustrali. Stu prugettu hè sustenutu da l’Istitutu di l’Ambiente di l’Università di Corsica. In u 2008, si ferà torna u « Jardin des blés » à u Forte Matra grazia à l’agricultore Christophe Lavergne, chì permetterà di scopre varietà nove. Pè appruntà i pani rumani, fabricati cù u granu cultivatu in Corsica, U Granu Anticu hà dumandatu a macina di petra di Michel Vernet-Cristiani in u paese di Campi. D’altrò, l’associu participerà à a fiera di l’oliu d’oliva in Santa Lucia di Tallà, i 29 è 30 di marzu. Ci presenterà e so ricerche nant’à e varietà lucali corse è purterà a so farina pè coce u pane in u fornu di u paese. I 24 è 25 di maghju, serà à a fiera di i prudutti biologichi corsi in Bastia. Eppo, l’associu U Granu Anticu hà prupostu à a merria d’Aleria di lià e so attività à a Festa Antica avvicinendu a data di a sighera (moisson) à a festa di a tribbiera (battage du blé), vole rinvivì dinù a tribbiatrice meccanica di a famiglia Vincentelli in Aleria. Infine, una reunione serà urganizata nant’à a rinascita di a cultura di u granu. Riferenza in l'archivii ADECEC: A – Informateur Corse 15.02.08 PAO
|
