22/02/2008

 

BORN IN CORSICA

Trè studiante corse, scritte à a Sorbonne in Parigi, Camille Corteggiani, Juliette Muracciole è Madeleine Filippi, cù una studiente cuntinentale Elis Gas, approntanu a spusizione « Born in Corsica » chì serà presentata da u primu à u 20 d’aprile in u quartieru pariginu di u Marais. Ci puderete vede u travagliu di sette artisti isulani in pittura, ritratti, appicciatura (collage) o altre stallazioni. Una bella diversità è tanti sguardi nant’à a pulitica, l’econumia è a sucietà in generale. A spusizione permetterà à e studiente d’ottene a so licenza di cuncezzione di prudutti culturali ma dinù di fà scopre a qualità è a creazione artistica in Corsica. Per quessa, anu creatu l’associu Prom’art è pensanu à urganizà numerosi altri evenimenti culturali.

Exposition Born In Corsica, espace Galerie-Art, boutique Iannalfo & Sgariglia, 7, rue Nicolas Flamel - 75004 Paris - Metro Hôtel de Ville, 4^ème arrondissement. Spusizione da u primu à u 20 d’aprile di u 2008, da u marti à u sabbatu, da 2 ore à 7 ore.

Riferenza in l'archivii ADECEC: A – CM 21.02.08 PIS

 

 

Rivene à a pagina d'infurmazioni