|
|
||
| ||
|
24/02/2008
BASTIA, MÉMOIRE EN IMAGES
Anzianu crunistu spurtivu à L'Equipe è à France Football, Victor Sinet rializeghja u so decesimu libru nant’à a Corsica, a so isula nativa. Dopu avè presentatu à Aiacciu in a listessa cullezzione, ci prupone di scopre à Bastia. A bastiglia genuvese, chjamata Terra nova, hè liata à un passatu chì principia à u 14u seculu. Ne testimunieghjanu a so citadella senza para cù i so rampali impressiunenti, u Vechju Portu ammirabile è a Terra vechja cusì pitturesca. Bastia hà sempre e vistiche di un passatu più vicinu cù l'irredentismu, l'occupazione taliana, a rivolta di i machjaghjoli isulani è i danni fatti in i tempi di a Liberazione. Victor Sinet ùn face micca solu una visita storica di i lochi è i face rinasce. Dunque, a vita di u portu, a sucietà LN Mattei, u famosu pelegrinaghju di Lavasina, i monumenti, e chjese, u mercà, a pupulazione è u gluriosu Sporting Club di Bastia sò tanti temi di a vita bastiaccia amentati in u libru. Bastia, mémoire en images, edizioni Alan Sutton Riferenza in l'archivii ADECEC: A – Informateur corse 22.02.08 MAT + SIN
|
