|
|
||
| ||
|
06/03/2008
PER A VITA
Di dicembre 2003, Natale Luciani, u famosu capimachja di Canta u Populu Corsu, si ne muria in un accidente di vittura trà Bucugnà è Aiacciu. Quattru anni dopu, u dischettu « Per a vita » hè esciutu in umagiu à sta lascita di canzone create da unu di l’autori cumpunidori i più attalentati di Corsica. « A Palatina », « Allegria », « Companero », « Citadella da fà », « Sintineddi », « Cuntrastu »... In tuttu, 18 canzone è un soffiu sempre cusì bellu. Aldilà di e so qualità artistiche, e canzone sò testimunianze di lotte pulitiche è culturali simbulizate da Canta u Populu Corsu. Da u militantismu virulente di « L’Armata di l’ombra » à u bilanciu di l’anni di lotta, realistu è senza cuncessioni, di « Rinvivisce », avemu a storia di l’isula durante a fine di u 20u seculu è ci mancheranu sempre u rigore è l’unestità di Natale Luciani. Riferenza in l'archivii ADECEC: A - CORSICA 03.2008 BON
|
