|
|
||
| ||
|
19/03/2008
A SUCIETÀ DI E SCIENZE STORICHE È NATURALI DI CORSICA
Lucien-Auguste Letteron Hè esciutu u catalogu di tutte e publicazioni di a Sucietà di e Scienze Storiche è Naturali di a Corsica, stabilita in Bastia, è cuntene ogni riferenza versu i travagli di i circadori chì anu cullaburatu à i so bigliettini trà u 1880 è u 2006. Dunque, 100 000 pagine scritte dapoi u 1880 ! Stu catalogu ghjova à serve i scientifichi, studianti è u publicu, curiosi di cunnosce megliu l’isula in u duminiu di e scienze umane è di a natura. Ci truverete o ritruverete quasi 7000 articuli nentru à i temi di l’archeolugia, l’antrupulugia, a storia, l’etnulugia, a biolugia... U catalogu permetterà dinù à altre persone di diventà membri è faciliterà l’avvicinamentu cù l’università. U presidente di sta sucietà, Victor Serafini, ramenta chì u so creatore, u canonicu Lucien-Auguste Letteron, avia creatu un fondu di documenti scientifichi per i so anziani elevi. Da quì, a Sucietà hà cuminciatu à racoglie, à classificà è à edità ogni studiu liatu à a Corsica. Riferenza in l'archivii ADECEC: A – CH 14.03.08 CAP
|
