|
|
||
| ||
|
20/03/2008
BD IN BASTIA
Da u 27 à u 30 di marzu di u 2008, ci sò i quindecesimi scontri di Fascia Figurativa (Bande Dessinée) è di l'Illustrazione à u centru culturale Una Volta in Bastia. Sta manifestazione inviterà autori illustradori pè a giuventù : Antoon Krings è Olivier Douzou. Pè a fascia figurativa, truveremu à Mathieu Bonhomme è Gwen de Bonneval cù e so duie spusizioni monografiche induve si scuprerà tutta a so pruduzzione. Eppo, un’altra spusizione primurosa, quella cunsacrata à Aurore de D’altrò, opere litterarie famose sò state adatte in fascia figurativa è ne parleranu Franck Bourgeron, Fabrice Caro, Jean-Christophe Chauzy, Christian de Metter, Nicolas Dumontheuil, Bruno Heitz, Hippolyte, Marion Mousse, Marc Villard, Bruno Heitz, Rabaté, Gabrielle Piquet è Denis Deprez. Una spusizione serà dinù cunsacrata à Denis Deprez, a so opera simbulizeghja a riesciuta di u matrimoniu trà a fascia figurativa è a litteratura. Infine, serà presentatu u Manhua, vale à dì a fascia figurativa chinese, cù a spusizione CHINE(S) chì permetterà di scopre i travagli di Chi Hoi, Benjamin, Hok Tak Yeung, Nie Chongrui, Zhang Xiao Yu... U sguardu versu l’Asia serà cumpletatu da autori europei chì parleranu di a so manera di vede stu cuntinente, per esempiu Gérald Gorridge à u Vietnam. Cuntinuemu cù a mostra « Par les chemins du monde » chì vi ferà scopre e pagine uriginali « Sur les traces de Marguerite Duras » fatte da Anne Steinlein, eppo e « Chroniques Birmanes » di Guy Delisle. Pè compie, BD à Bastia 2008 hà previstu tempi di scontri, di scambii è attelli sculari. L’affissu di l’edizione 2008 hè di Marjane Satrapi. Altri rinsignamenti : www.una-volta.org Riferenza in l'archivii ADECEC: A – BD 19.03.08 BAS
|
