|
|
||
| ||
|
21/03/2008
L'ASSOCIU CULTURALE RADICHE
« Radiche » cuncoglie persone vulendu principià una nova cumunicazione trà i Corsi è i Taliani. U cunfrontu trà a Corsica è l'Italia mette in risaltu l’affinità culturali in ogni duminiu è in particulare a linguistica. Stu cunfrontu cuntribuisce à valurizà a cursità di l’isula stessa. I rispunsevuli di « Radiche » volenu un avvicinamentu storicu è culturale, cù un’attenzione particulare versu u patrimoniu cumunu di i dui paesi, fattu di tradizioni seculari, ma dinù e trasfurmazioni chì anu interessatu a Corsica durante a so storia. St’associu nasce da a cuscenza chì, trà l’isula è l’Italia, ci sò sempre state affinità storiche, artistiche è sociolinguistiche. Dunque, bisogna à mantene e « radiche » cumune rispettendu l’identità di e duie terre, eppo e radiche di a cultura corsa pè i Corsi avendu un’identità minacciata da l’idee false, u scordu è i miti è pè i Taliani chì ponu truvà in a sucietà corsa, sopr’à tuttu cù a so lingua strasurdinaria, u spechju d'elli stessi, di a so storia è ancu numerose idee incuragenti è ch’elli ùn aspettavanu micca à livellu intellettuale è culturale. In più, i rispunsevuli bramanu di fà cunnosce a Corsica in Italia sopr’à tuttu cum’è una rialità storica assai ricca è una cultura induve e duie sponde di u mare Tirrenu ponu ricunnoscesi. À tempu, provanu à travaglià à prò di cunservazione di a sucietà corsa, senza sminticà d’indirizzassi à i francesi, corsi o nò, pè cercà à fà cunnosce certi aspetti pocu cunnisciuti di l’isula è di i so raporti cù l'Italia. Infine, u prucessu d'integrazione europea permette di cunsiderà a Corsica cum’è una risorsa straurdinaria, un locu induve e culture taliana è francese si scontranu, s'adduniscenu è si sviluppanu. Altri rinsignamenti : http://www.radiche.eu/ Riferenza in l'archivii ADECEC: A – RAD 20.03.08
|
.jpg)