|
|
||
| ||
|
23/03/2008
LE SYNDICAT DES TRAVAILLEURS CORSES
Alta frequenza Militante puliticu dapoi una bella stonda, creatore di u Sindicatu di i Travagliadori Corsi, Petru Poggioli parla in u stu libru di a lotta oghjinca di i salariati pè migliurà e so cundizioni di travagliu è e so paghe. Da a storia di u sindicalismu in generale à l’evuluzione di e so primure, à a mossa suciale in Corsica sin’à a fine di l’anni settanta, Petru Poggioli amenta a crescita di e rivindiche suciali in « Le syndicat des travailleurs corses », edizioni DCL. In a seconda parte, l’autore parla di a nascita di u STC in u so cuntestu storicu è puliticu, a so lotta permanente pè diventà u primu sindicatu in l’isula. Sò trattati dinù u cunflittu suciale di l’annu 1989, u schjattamentu di u naziunalismu, l’epuca di u prefettu Bonnet... Infine, l’autore s’interessa à l’avvene di u sindicatu chì deve « mantene a so autonumia sempre in leia cù a rivindicazione naziunalista ». Riferenza in l'archivii ADECEC: A – CM 21.03.08 P.C.
|
