|
|
||
| ||
|
06/04/2008
U DISCHETTU DI A RIVULUZIONE CORSA
U dischettu di u spettaculu « La révolution corse », una cumedia musicale presentata di dicembre 2007 à u Palazzu di i sporti in Levallois-Perret, hè oramai in vendita. A musica hè di u Cerviunincu Patrick Bernardini, e parolle di Magà Ettori eppo cantanu Antone Ciosi, Jacky Micaelli, Maryse Nicolai, Michèle Sammarcelli, Mathieu Maestrini, un altru Cerviunincu, Voce Isulane è Tony Zampie. In tuttu, un dischettu cù 18 tituli pruduttu è distribuitu da Production Wordino. « La révolution corse » mischjava u destinu di Pasquale, chì stava in un uspidale pè e e persone tocche di cervellu, à u so doppiu, Pasquale Paoli, chì vulia fà a rivuluzione. In più, ci eranu canzone, balli, battaglie, acrubazie fatti da una cinquantina d’artisti. D’altrò, Patrick Bernardini è Magà Ettori approntanu l’adattazione à u cinema di u so spettaculu induve u tenoru Roberto Alagna averebbe da participacci. Riferenza in l'archivii ADECEC: A – CORSICA aprile 2008 GM
|
