|
|
||
| ||
|
09/04/2008
ATTALLÀ, A TRADIZIONE VUCALE ISULANA
A tradizione vucale isulana ùn hè pronta à spinghjesi è a fiara hè mantenuta è mudernizata da giovani canterini attalentati di u gruppu Attallà, l'altru nome di a pieve di Tallà, in Pumonte. In più, approntanu u so ripertoriu pè un primu dischettu. « Serà a nostra manera di trasmette a nostra cultura musicale è immurtalizalla », cum’ellu dice Antone Stromboni. U fattu di cantà hè un affare di passione è di spartimentu musicale pè Yvan Giovannangeli, Antone Stromboni, i dui fratelli Marcu è Ghjuvan Francescu Valentini. Cantanu canzone tradiziunali, puemi di tempi fà, umagi à persunalità lucali, anziani voceri eppo numerose cumpusizioni rializate da amichi autori. Una volta à settimana, si ritrovanu pè ripete in u cunventu di Santa Lucia di Tallà. Riferenza in l'archivii ADECEC: A-CM 08.04.08 N.A.
|
