|
|
||
| ||
|
11/04/2008
A PAGHJELLA, GHJUVELLU DI L'UMANITÀ ?
Ritrattu : Ghjacumu PAOLI Di maghju 2005, Petru Guelfucci è Ghjuvan’Paulu Poletti facianu cunnosce à u cunsigliu esecutivu di l’assemblea territuriale, l’interessu di fà entre a pulifunia corsa à u patrimoniu mundiale immateriale di l’UNESCO. U 25 di nuvembre di u listessu annu, l’assemblea dumandava un pianu di salvezza è di rivitulita (revitalisation) di a pulifunia corsa è a so entrata in u patrimoniu culturale immateriale di l’umanità. St’entrata, s’ella si face, ùn deve micca fà scurdà chì a salvezza di a pulifunia dipende solu da i Corsi pè falla campà è trasmettela. « Cantu in paghjella » hè u nome di l’associu chì porta stu prugettu è ghjè presidatu da Petru Guelfucci. Pensanu à una scrizzione à u patrimoniu di l’umanità pè l’annu Riferenza in l'archivii ADECEC: A – CH 04.04.08 KRU
|
