|
|
||
| ||
|
21/07/2008
DISTINU, U PRIMU DISCHETTU DI CHRISTOPHE MONDOLONI
Christophe Mondoloni, canterinu di Canta u Populu Corsu, esce u so primu dischettu « Distinu ». Hà avutu a passione di u cantu grazia à Natale Luciani, u babbu di i giovani canterini corsi. Hà scontru dinù à Jean-Pierre Marcellesi chì hà rifinitu ciò chì Natale l’avia amparatu. Jean-Pierre Marcellesi canta cù Christophe Mondoloni in stu dischettu è li hà permessu di scuntrà parechji musicanti presenti in « Distinu ». A storia di l’opera hè liata à u cancheru chì hà toccu u canterinu, « Distinu » hè un umagiu à quelli chì soffrenu di sta malatia è à quelli chì l’aiutanu. Eppo, truvemu altri generi musicali, per esempiu a Bossa nova in a canzona « Porqué », un testu in brasilianu è in corsu. Riferenza in l'archivii ADECEC: ALTA FREQUENZA 20.06.08 MON
|
