|
|
||
| ||
|
24/07/2008
CRUCIVIA, U NOVU DISCHETTU DI CINQUI SÒ
Stu dischettu hè u prima di una trilugia chjamata Crucivia, Pulifunia. Sta scelta di titulu veni da u fattu chì, com’è in a vita di una parsona o di una cumunità umana, ci sò i stradi fatti chì formani un’incruciatura cunnisciuta, eppo strada facendu, par via di u geniu umanu, di vicendi, di a cerca, s’affacca un crucivia, un’ufferta di stradi novi di criazioni in u lignamu di un ceppu vivu, colmu à emuzioni è putenza di vita. Sta cullana hè di trè elementi. È quissu n’hè u prima, bagnatu di a pulifunia prisintata secondu i versi parechji chì li dani a sustanza di una tradizioni aperta. Si principia cù « Maltrattata » chì evucheghja i strazii di tanti donni oghji. Dopu si laca emanà l’Essenza è si compii cù a tradizioni a più soda è propia sintendu u Dio vi salvi Regina in a so integra visioni...
Rinatu COTI Riferenza in l'archivii ADECEC: A – CRU 23.07.08 COTI
|
