Voce.fr.fm > Voce Nustrale, la radio corse de l'ADECEC

	En ce moment à l'antenne:

Les Infos
E Nutizie

Oghje simu Venneri u 25 di Lugliu di u 2008

Ecoutez
Voce Nustrale en Haut Débit

Infurmazioni musicali : « Destinu », u primu dischettu per Christophe Mondoloni canterinu di Canta U Populu Corsu. / Mai Pesce hà esciutu u so novu dischettu « Vox Populi » ripigliendu e canzone chì i nostri genitori stavanu à sente in l'annate sessanta (Mamma, Ritornu, U Mio Mulinu, A Falata di Ficaghjola, Chì fà...). / Novu dischettu di u gruppu « Alte Voce », Di sale è di zuccheru. Dicessette tituli cù un titulu di u puetu è amicu di u gruppu Ghjuvan Petru Ristori. / Novu dischettu di « A Filetta » : Bracanà. 16 tituli senza accumpagnamentu musicale pè un dischettu bracanatu induve puderete sente creazioni nove. / Diana di l'Alba hà esciutu u so novu dischettu « Da musicà la vita » u 29 di maghju. Stu titulu hè una spezia di prufessione di fede, volenu mette tutti l’aspetti di a vita, di u tempu chì passa in musica. / A scola di musica « Missaghju » hà dece anni. / U dischettu di u spettaculu « La révolution corse », una cumedia musicale presentata di dicembre 2007 à u Palazzu di i sporti in Levallois-Perret, hè in vendita. || Infurmazioni : Scola San Paulu L'elevi di a scola San Paulu feranu a so rientrata à u mese di settembre prussimu. Sta decisione hè stata pigliata eri durante una cunferenza di stampa in Aiacciu fatta da i membri di l'associu Capuccini è i membri di l'OGEC. Cù e so 427 scrizzione sta scola vole cuntinuà a so azzione è u sviluppu di u so prugettu educativu. Succorsu St'ultime ore, i succorsi in muntagna sò intervenuti quattru volte pè truvà turisti persi, salvà un omu chì avia avutu una mancanza di core, è una donna chì era cascata è ferita. Università L'università di Corsica ottene l'autonumia. U stabilimentu superiore isulanu face parte di e vinti prime università chì diventeranu autonome à u primu di ghjennaghju prussimu. U presidente Antoine Aiello hà dettu ch'ellu era assai suddisfattu di e cumpetenze date à u so stabilimentu. Kyrnolia Una delegazione di sei sindicalisti STC è CGT di Kyrnolia sò stati ricevuti eri da u deputatu merre d'Aiacciu Simon Renucci eppo da u prefettu di Corsica Christian Leyrit. U prefettu hà annunziatu l'urganizazione d'una reunione di neguziazione cù un riprisentante di a direzzione di u travagliu è d'un mediatore. I grevisti anu dettu ch'elli ripiglieranu u so travagliu solu quandu e so rivindicazione seranu suddisfatte. Dumandanu a parità di e paghe è volenu ch'ella sia mantenuta a so prima d'isulanità. In stu cunflittu, un mediatore averebbe da esse numatu, forse u prefettu. Neguziazione averebbenu da fassi in prefettura trà i dirigenti di Veolia, i sindicati è riprisentanti di a cità d'Aiacciu. Pallò Un turneu di pallò cù sei ghjucadori hè urganizatu sabbatu u 26 di lugliu à parte da 3 ore in Alistru. E scrizzione è i rinsignamenti à u 06.23.29.62.88. Perfurmenza Léo Battesti, presidente di a Liga Corsa di i scacchi, hè fieru di l'ultimi risultati ottenuti da dui giovani licenziati di u Corsica Chess Club di Bastia, a settimana scorsa à l'Open internaziunale di Condom, dipartimentu di u Gers. Jean-Michel Bigonnet, 12 anni, è Michaël Massoni, 16 anni. U primu hà vintu l'Open B davant'à una cinquantina di ghjucadori è u secondu era à a sesta piazza di l'Open A dopu avè vintu contr'à famosi ghjucadori internaziunali. Michaël Massoni ghjucherà u 26 d'uttobre contr'à u maestru Gary Kasparov. Cantu Dopu u gruppu Sei voci eri sera, I Chjami Aghjalesi canteranu sta sera à parte da 9ore30 à u portu di Taverna in Campuloru.

L'Arcusgi - Askatasunera

« Da mè à tè », u primu dischettu di Natalina Simonetti
A nostra amica Natalina Simonetti, figliulina di u pueta musicante di Cervioni, Ghjuvanni Simonetti, nè nata in a musica è u cantu è, da ch’ella hè zitella, sta « musichella » ch’ella hà sempre intesa in la so mente è in lu esse stessu, oghje, a vole porghje à l’altri, à i soii, quelli di u so paese, à a ghjente corsa ma dinù à quelli d’altrò...
Per sapenne di più : Nutiziale di l'ADECEC.

Musique électronique sur Voce Nustrale
ELIPTICA SOUND SESSION tous les samedis de 22h à 23h, une heure de mix réunissant les plus grands DJ sur Voce Nustrale. Une production Eliptica Records exclusive pour les radios.
ELECTROMIX, DJ Gerald C vous propose tous les samedis de 18 heures à 19 heures ses mixs, ses créations et les dédicaces : + d'infos.

L'infurmazioni corse in lingua nustrale