Prete Guglielmo GUGLIELMI (1644 - 1728)
 
 
Casata: GUGLIELMI
Nome: Guglielmo
Nascita: In 1644 in E Piazzole d'Orezza
Morte: D'agostu 1728 in E Piazzole d'Orezza
 
Prete
 
Opere publicate:
Poesie scelte di Prete Guglielmo Guglielmi delle Piazzole d'Orezza, edizione Emmanuelli P.F, 1843
Poesie scelte di Prete Guglielmo Guglielmi..., Stamperia Fabiani, 1852.
"A Malannata di 1702", "Almanaccu di A Muvra", 1928
 
Strattu:
 
OTTAVE GIOCOSE
 
Castellacquese:
 
Ùn dubità, fratellu, eo ti rispondu
Chì n'averai quist'annu cumpagnia;
Perchè ci hè carestia per tuttu u mondu.
Bon granu è vinu bonu ùn ci n'hè cria.
Temu chì st'annu ùn sia forse u secondu
Dopu di quella antica carestia,
Quandu Orezzinchi, per ùn cascà morti,
Fecenu u pane di dicessette sorti.
 
Alisgianincu:
 
Or chì ferà lu poveru Alisgiani
Chì di vinu ebbe sempre carestia?
La ricca è nobile pieve d'Ampugnani,
Chì sempre abbundanza n'avia;
Sì ne lavava a faccia cù le mani,
È tanta carità ne facia.
Eo tante volte ci sò praticatu,
È sempre ne partia imburracciatu.