In u quadru di u CSTI « L’università trasmette u so sapè » finanzatu da a Cullettività di Corsica, frà e so azzione di vulgarizazione iscritte in u so prugettu 'Chjassi di parolle : intornu à a BDLC', u prugramma 'Novu Atlante Linguisticu è etnugraficu di a Corsica-Banca di Dati Lingua corsa (NALC-BDLC//UMR CNRS 6240 LISA) hà rializatu video ingiru à u lessicu corsu. Sti filmetti sò puntelli pedagogichi è ludichi pè u publicu mettendu in scena risultati di ricerca scientifica ingiru à disegni.

I temi trattati in i filmi sò stati selezziunati per via di i so interessi in quant'à u scumpartimentu geolinguisticu, i prucedimenti di furmazione lessicale o ancu l'attestazione anziane. E parolle selezziunate permettenu di ritruvà sapè tradizunali è culturali di a Corsica (Agricultura, allevu, tradizione cucinaria...) E video sò nant'à You Tube è https://umrlisa.univ-corse.fr/chjassi-di-parolle-intornu-a-a-bdlc-des-mots-corses-racontes-en-images/