Un paese di l'archeolugia in citadella d'Aiacciu
2021-05-28 16:43:49

E Ghjurnate europee di l’archeolugia cù "u Paese di l'archeolugia in Corsica" chì si stalla in Aiacciu. Direttu da u Ministeru di a Cultura (DRAC, INRAP, DRASSM), in cullaburazione cù a direzzione di u patrimoniu di a Cullettività di Corsica è a cità d’Aiacciu, stu paese addunisce l’attori di l'archeolugia in l'isula.

Tutt’ognunu puderà scopre u patrimoniu archeologicu nustrale è u travagliu di l’archeologhi in u situ emblematicu : a citadella Miollis, custruita à parte da u XVu seculu, è testimunianza di a storia militare trà Francia è Italia. In stu locu, sò previsti attelli è cunferenze. Prugramma: journees-archeologie.fr