Core timpesta, u novu dischettu di u gruppu Eppò
2021-06-22 14:17:47

10 tituli chì celebreghjanu u Mediterraniu è a libertà. Quandu Terra Nova cummove i bastiacci, Bolero per tè rende omagiu à e donne, à e giovane... Core timpesta, Eppò o A Zinzalesca ci invitanu à cantà è à ballà.

Anghjulu Torre, François Spinelli, Jean Castelli, Ange Bianchini è Petru Veyrat Tristani. Pè sti 5 musicanti bastiacci, Eppò cuntinueghja in modu naturale una vita sana nant'à a scena musicale nustrale. Arradicatu in a tradizione corsa cantata, Eppò ci porta oghje ind'una cerca ardita mischjendu sunurità tradiziunale è attuale. Un tianu inaspettatu cù ingredienti culuriti di Mediterraniu, cunditu cù testi puetichi è tarrucconi. Grazia à ste musiche è testi cadenzati in allegria, Eppò vole diversificà a musica nustrale.