D'un cantu à l'altru, u novu dischettu di Doria Ousset
2021-06-23 09:46:39

Doria, ghjè cantu corsu feminile schjettu, à quandu " rock ", à quandu " tradiziunale ". Ùn sò tanti l'interpreti isulani ad ammaistrà cusì bè a so arte, accampendu ogni suchju musicale cù u listessu garbu, senza mai perdeci a so anima. Dopu avè affascinatu u publicu cù u sonu animatu di i dischetti " Realità ", " Rabbia ", è ind'un registru acusticu cù " ['korde] ", prupone oramai una sperienza nova di rock è di cantu tradiziunale cù "D'un cantu à l'altru", L'artista passa da u cantu corsu tradiziunale di u so paese di Rusiu à u rock, e so duie passione.

In st'opera, si rimarca dinù u travagliu di i so musicanti : Martial Paoli (piano), Antoine Leonelli, Bernard Ferrari, Frédéric Antonpietri (chitarre), Matthieu Tomi (bassa è cuntrabassa), Jean-Paul Maurizi (Batteria). U dischettu serà presentatu durante un cuncertu ghjovi u 29 di lugliu à 9 ore di sera, piazza à u mercà in Bastia.