Novu dischettu pè I voci di a Gravona
2021-07-16 16:48:57

 

Eccu ! tamanta opara chì d’avè fattu ‘ssa prova dopu à tant’anni di travagliu maioru ! i voci di a Gravona ani riisciutu a so sfida cù passioni è militantisimu purtatu da tanti bracci cumuni. Cun pacenza, emi aspittatu è avali, u risultatu hè trimendu ! A voi chì feti viaghjà ‘ssa storia, vi ringraziu di cuntinuà ciò ch’aghju suminatu 40 anni fà cù tanti scontri, tanti militanti, gruppi, cunfraterni è scoli di cantu. A tramandata, a passioni, u sacrifiziu è u straziu alzani à u più altu liveddu u scopu di riescia à crià è cusì squassà u nicativu. Pà francà i miserii, a spirenza piglia u sopra è si risenti ind’u vostru discu novu u veru missaghju culturali senza svià d’un passu, l’indiatura vera ! Forsi hè ciò chì manca à certi ! Grazia à voi tutti di crià è tramandà unu spiritu è unu stintu natu ind’a Gravona nostra ! cuntinueti cusì cantendu eppo marchjendu !