Alerta arancia :Timpesta di ventu
2020-02-04 08:59:11

Siate prudenti oghje. A timpesta Hervé cun venti viulenti interessa tutta a Corsica. Nè parlemu in fine di u nostru nutiziale indì u nostru bigliettinu meteorologicu.


Franck Robine, u novu prefettu di a Corsica
2020-02-04 08:58:31

U novu prefettu di a Corsica, Franck Robine, hà presu e so funzione eri, à l’uccasione d’una ceremonia à u monumentu à i morti in Aiacciu, in prisenza di parlamentarii, eletti lucali è riprisententi di l’autorità civile è militare. A so imbizione hè di travaglià cun tutti, per risponde à e preoccupazione di a populazione di a Corsica.


Università di Corsica : Dumenicu Federici stalla a so magiurità
2020-02-04 08:57:39

A fasa eletturale di designazione di persunalità esterne hè stata largamente favurevule à Dumenicu Federici chi s’assicureghja una magiurità assuluta di 20 posti nant’à 32. Principierà u so mandatu di presidente di l’Università di Corsica, luni prussimu.


Scuntentezza di i persunali di a furesta
2020-02-04 08:56:31

I persunali di a furesta anu testimuniatu eri a so scuntentezza à u scagnu di Culletività di Corsica in Bastia. Dipoi parechji mesi, dinunzianu e mancanze di coordinazione interne, è dumandanu solu à travaglià indì a serenità. Sò stati ricevuti da u presidente Gilles Simeoni è u dialogu hè statu apertu.


E quarte assise di a muntagna in Quenza
2020-02-04 08:55:16

E quarte assise di a muntagna si tenenu in Quenza ghjovi 6 è venneri 7 di ferraghju. A muntagna è a so frequentazione sera à u centru di i dibattiti.


Arrubecciu in Corti : messu in esame di u zitellone
2020-02-04 08:53:50

U zitellu di 14 anni chì avia arrubatu ind’un cummerciu di Corti, usendu d’una falza arma, hè statu messu in esame per « arrubecciu à manu armata » è piazzatu sott’à cuntrollu ghjudiziariu.


Inchiesta nant’à a tentativa d’assassiniu di Massimo Ponchelet
2020-02-04 08:52:41

L’inchiesta si persegue nant’à a tentativa d’assassiniu di Massimo Ponchelet dumenica scorsa in l’Isula, sott’à a direzzione di a JIRS. A vittima hè sempre uspitalizata. Si tratta d’un capu d’intrapresa di 30 anni, cunnisciutu da i servizii di pulizza, cundannatu in 2013 per prova d’arrubecciu cun sequestrazione, è dinù per trafficu di droga.


Claude Ferrandi, presidente di u cunsigliu d’amministrazione di u SCB
2020-02-04 08:49:26

Claude Ferrandi hè statu elettu presidente di u cunsigliu d’amministrazione di a sucietà cooperativa d’interessi cullettivi di u Sporting Club di Bastia.


Liga 2 : Paris FC - ACA
2020-02-04 08:48:14

Sta sera in Liga 2, l’ACA si dispiazza in Parigi per affrontà u Paris FC chì si trova in difficultà à a classifica. L’aiaccini si volenu rimette indì u bon ritimu, dop’à a disfatta in casa soia, contr'à Chateauroux quattru ghjorni fà.


Volley ball, liga A : Tourcoing-GFCA
2020-02-04 08:45:25

In liga A di volley ball, u GFCA si dispiazza sta sera à Tourcoing, è venneri à Cannes. A l’arrestu dipoi trè ghjurnate, l’aiaccini devenu rilancià u so contu di punti.


Articuli scorsiPrussimi articuli