accolta > adecec

Petru Casanova, l’appassiunatu di lingua corsa, si n’hè andatu à l’altru mondu

Stitutore, autore, membru fundatore di l’Adecec, Petru Casanova si n’hè andatu à l’altru mondu à l’età di 104 anni. Hà cunsacratu a so vita à difende, salvà è tramandà a lingua è a cultura corsa. Frà tutti i so scritti, Motti è Appellamanu fermanu opere di riferenza per cunnosce u vocabulariu geograficu è agriculu, è per amparà i ghjochi nustrali, ghjustre è usanze festie. A so vita sana, Petru Casanova hè statu un appassiunatu militante di a lingua corsa, impegnatu à u serviziu di u cumunu. E so esequie seranu celebrate issu ghjovi 27 di marzu, à 2 ore di u dopumeziornu, in u so paese di a Casanova di Venacu.