Dapoi a so creazione in u 1972, l’associu "Ricordu di Ponte Novu" urganizeghja a cummemurazione di a Battaglia di Ponte-Novu di l’8 è u 9 di Maghju di u 1769. Bellu luntanu d’una vulintà di festighjà o di recuperazione pulitica, l'associu tene à participà à a ricunniscenza d’un patrimoniu storicu è culturale maiò, ma dinò à mantene a memoria di u sacrifiziu di i patriotti corsi, cascati per a libertà.

Aldilà di l’aspettu cummemurativu di sta ghjurnata,"Ricordu di Ponte Novu" s’impegna à trasmette a Storia di a Corsica. In stu scopu, danu a pussibilità à ognunu di scuntrà si è di scambià, mentre e cunferenze, cù i socii venuti à dà u so parè storicu, literariu o artisticu.

PRUGRAMMA

2 ore : Cunferenza da Ange-Toussaint Pietrera: "A Corsica è u so imaginariu Naziunale" 
5 ore : Messa è prucessiò cù e Cunfraterne di u circondu è l'Associu I Naziunali
7 ore : Veghja nustrale accant'à u ponte cù vitellu arrustitu è u gruppu L’Intrecciu