|
Notte calma notte santa Tuttu tace tuttu incanta Ogni silenziu si face Nant'à a terra fatta pace Chì da i pastori curatu Un zitellu hè puru natu
Notte calma notte santa Tuttu tace tuttu incanta Luce in celu stellaria Cun bellezza è armunia È splendureghja u core Di l'omu chì conta l'ore
Notte calma notte santa Tuttu tace tuttu incanta Allegrezza fala in terra Da la muntagna à la serra Un amore lindu è puru Scrittu in fronte à u criaturu
Ave Maria Corsa
O Maria Piena di Grazie vi salutu U Signore più supranu hà vuliutu Chì à mezu à l’altre donne siate scelta Per esse Santa è Benedetta È chì u fruttu di u vostru Partu Ghjesù Sia benedettu ancu di più Santa Maria madre di Dio Per noi pregate Povari peccatori, anime straziate Pregate pè la nostra sorte, Oghje in ora di a nostra morte O Santa Maria, è cusì sia.
Babbucciu Natale (Adattazione di « Petit papa Noël » da D. Barrazza)
In'ssa vigilia di Natale A neve ammanta u casale Cù li so fiocculi d'argentu Accumpagnati da u ventu In casa à a luce d'una veghja Un zitellucciu sunnieghja
Ripigliu : Fala Babbucciu Natale Da li monti è da le valle Per sparte gioia è piacè Fate ch'ellu ùn si scordi di mè
Vegu u so carriolu Pè i sarri di Niolu À i cunfini di l'albore Quandu Cintu cambia di culore
Chjoccanu e campane di u paese In quellu mumentu divinu Si move a ghjente i cironi accesi Sta notte hè natu u Bambinu
Fala Babbucciu Natale Da li monti è da le valle Per sparte gioia è piacè Fate ch'ellu ùn si scordi di mè
Vicinu à l'anticu fucone In bracciu di lu me babbone Cum'è una fiaccula di vita Una carezza infinita Ghjuvellu di una famiglia D'Amore è pace ùn ci hè sumiglia
Fala Babbucciu Natale Da li monti è da le valle Per sparte gioia è piacè Fate ch'ellu ùn si scordi di mè
|
||||||||||||||
