GERONIMI

Dumenicu Antone

0000-00-00

0000-00-00

In a rivista literaria RIGIRU Numeru 25

"U RUMINZULAGHJU", Strattu ineditu   Pruseria (a streia giovana) Artimisia ( a streia vechja) Artimisia -.../ Mi venenu certe sfriscittate quì, in lu pesciu di a ghjamba... Pare ch'elli mi menghinu di stilettu. Ma vedi quand'e avia i toi l'anni... Per avà da scurruzzulà a nuttata sana... ùn ci pinsava mancu! Pruseria - Turnemu à Vistale! (affacca dui ghjacari) Pristu!... Pristu!... minà o figlioli! Artimisia - Vistale? Eiu aghju sempre intesu dì "Vignale" "Torna à Vignale"... Iè, Vignale! Sò dui paesi o sarè tù chì... Pruseria - Chì saria po eiu? Artimisia - Ah è po!... Chì vale à discorre, hè quant'è à zappà in mogliu. Ùn solu d'esse pultroni, quelli d'oghje, mancu più u nome di i so lochi ùn cunnoscenu, allori chì ne voli?... È tù, mancu sè in daretu! Pruseria - Ma chì vene chì vo m'ambacate! Vistale? Vignale? Saranu dui paesi chì hè unu... L'avete voi a primura...   RIGIRU nu 25