Petru u Muntagnolu

1908-08-18 - 1988-01-01

Casata :
COLOMBANI
Nome :
Ignaziu
Nascita :
1908-08-18
Morte :
1988-01-01
Guvernatore di a Francia d'oltremare, scrivanu è pueta
Opere publicate :
Rime di Rustinu, "U Muntese", 1960 U Francorsu, "U Muntese", 1968
Strattu :
RICORDI (Stratti)   À chì ùn hà vistu à prete Pulverinu à cavallu ùn hà vistu nunda. Avia un cavallu grisgiu, guasi biancu, chjamatu Bijou. Saltava in sella cum'è un giuvanottu è pigliava subitu u galoppu. L'anche, e tenia sticchite chì battianu l'aria cum'è l'ale d'un acellu è certi l'avianu ancu chjamatu Don Chisciotte. Ma quessu u cugnome, u s'avia riguaratu d'estate quandu, per francassi da u sole, tenia i retini cù una manu è u parasole cù l'altra: c'era, creditemi puru, da pagà u soldu. À Bijou u pruvava ancu eu, una volta l'annu. U sette settembre era prontu à bon'ora. À finestre aperte, aspettava u fiscu o a chjama: - O Gnà! - Falgu subitu, o sgiò piuvanu. È tumbulava e scale chì ùn mi parava mancu u tonu. - Tirati in groppa!...
Generu :
literatura scritta